Mañueta

Erromatarren garaitik hasita, Ebro ibaia gurutzatzeko pasabideetako bat izan zen herri hau. Herriak oraindik baditu Erromatarren Inperioaren parte izan zeneko aztarnak eta upategi ugari ditu barreiatuak.

Arabako Errioxako eskualdean dago, hegoaldean, eta Ebro ibaia du mugakide. Mañueta merkataritza-gune eta merkatarien pasabide izan zen erromatarren garaian.

Nekazal tradizio handia izan du beti, eta eskualde osoan upategi gehien dituen herrietako bat izateko ohorea du. Ia 10 km karratuko azalera txikia du, mahatsondoa landatzeko eta kalitate handiko ardoak egiteko erabiltzen dena.

Aberatsa da hidrologia, natura, kultura, enologia eta gastronomian, hori dela eta leku paregabea da, zalantzarik gabe.

Bisita

• Antiguako Andre Mariaren eliza

• San Kristobal ermita

• Upategi Zaharren auzoa

• Eskuz induskatutako mendeurreneko kalatuak

• Herriko upategiak

• Ebroko erribera, uhartea eta presa

• Ebro ibaia

• Ebro ibaiaren gaineko zubia

• Inguruko mendiak: askaldegia Alto del Ramon, Mugas edo Peñagudoko begiratokiak

• XIX. mende hasierako eskuz idatzitako pergaminoa

Bertako monumentu bereizgarrienen artean, zalantzarik gabe, honako hauek nabarmentzen dira: Antiguako Andre Mariaren eliza, estilo erromaniko-gotikokoa, XVI. mendean eraikia, barruan erretaula nagusia duena, eta bertako hormetan ezkutatutako pergaminoa, herri-kulturaren zati garrantzitsua dena. Bertan, ehunekotik ehunekora, biztanleriaren bilakaera islatzen da.

San Kristobal ermita ere bisitatzeko modukoa da. Joan den mendearen hasieran ustekabean erori ondoren, bertako biztanleek berreraikia. Bertan, uztailaren 10ean, herriko jaiegunik handiena ospatzen da, bere izena daraman santuaren omenez.

Iraganaren zirrikituak "kalatu" izenekoetan islatzen dira. Hauek eskuz induskatutako ardogintzako lurpeko eraikinak dira, upategi zaharren azpian. Bertan gordetzen zen ardoa, inoiz ez 18 gradutik gorako tenperaturan, lurpean baitzegoen.